टिंग टाँग ऑनलाईन ॲप अधिकृतरित्या अनावरण अरविंद सावंत यांच्या हस्ते झाले त्यावेळी ते बोलत होते. या कार्यक्रमाला कामगार सेनेचे अजित साळवी उपस्थित होते.
प्रत्येक समस्येचे निराकरण करण्याचा प्रयत्न या ॲपद्वारे करण्यात येईल असा विश्वास आज उदय अशोक पवार या नवउद्योजकांने दिला आहे. नोकऱ्या सुरक्षित करण्याचे काम करता करता कामगार सेना मराठी माणसांशी जोडली गेली. मराठी माणसाच्या घरी समृद्धी आली पाहिजे. त्यांनी उत्कर्ष व्हायला पाहिजे. त्याच बरोबर शैक्षणिक व आर्थिक उत्कर्ष सुद्धा व्हायला पाहिजे. याच भावनेतून आज एक मराठी युवक व्यापाऱी क्षेत्रात उभा राहात आहे. त्याच्या मागे खंबीरपणे उभे राहून त्याचे मनोधैर्य वाढवावे या भावनेनेच आज मी या ठिकाणी आलो आहे असल्याचेही सावंत म्हणाले, ज्याच्याकडे आपलं स्वत:चं कौशल्य असेल त्यांनी त्यांनी या टिंग टाँग ऑनलाईन ॲप वर जाऊन आपली नोंदणी करावी, त्यांना शंभरटक्के रोजगार दिल्याशिवाय टिंग टाँग ऑनलाईन राहणार नाही असे आश्वासन आणि टिंग टाँग ऑनलाईन चे सर्वेसर्वा उदय अशोक पवार यांना त्यांच्या कार्यात उज्वल यश प्राप्त होवो अशी शुभेच्छा खासदार सावंत यांनी दिल्या.
यावेळी आपले मनोगत व्यक्त करताना उदय पवार म्हणाले, माझं स्वप्न होतं की जो मध्यमवर्ग आहे जो छोटा मोठा व्यवसाय करतो. त्याला एक डिजीटल प्लॅटफॉर्म मिळावा. या छोट्या उद्योगसमुहाला एक मोठा ग्राहकवर्ग मिळावा यासाठीच्या विचारातून या टिंग टाँग ऑनलाईन ची निर्मिती झाली. डिजीटल मार्केटींग मध्ये अशा प्रकारच्या अनेक ॲप उपलब्ध आहेत. मात्र त्या संपूर्णपणे व्यवसायिक स्वरुपाच्या आहेत. आपण आपल्या या ॲपच्या माध्यमातून सामाजिक अभिसरण देखील जपणार आहोत. प्रत्येकाला त्याच्या कौशल्यावर आधारीत ग्राहक वर्ग मिळायलाच हवा असा कटाक्ष आपल्या ॲपचा असेल. त्यासाठी व्यावयासिकांकडून आम्ही दिवसाला केवळ एक रुपया इतकंच शुल्क आकारणार आहोत. यामुळे हा ॲप व्यावसायिकतेपासून खूप दूर असल्याचे आपल्या लक्षात येईल.
Post a Comment